ტიპი: მეზოროლერი

ტიტანის მიკრონემსებით

ნემსის სიგრძე: 0.75 მმ

ინდივიდუალური ნემსი: 192

ზომა: 4.5 x 17.2 x 4 სმ

ფერი: გამჭვირვალე/მწვანე

რისთვის ვიყენებთ მეზოროლერს:

• თმის/წვერის ზრდის სტიმულაციისთვის;
• თმის ცვენის შესამცირებლად;
• ნაწიბურების კორექცისთვის - ოპერაციის და აკნეს შემდგომი ნაწიბურების სამკურნალოდ (გარდა კელოიდური ნაწიბურებისა);
• მეზოროლერი უზრუნველყოფს სამკურნალო შრატებიდან მოქმედი ნივთიერებების უკეთ შეწოვას;
• ღრმა ნაოჭების სიღრმის შესამცირებლად;
• ცელულიტის და სტრიების მკურნალობისთვის.

როგორ გამოვიყენოთ მეზოროლერი:

1. დარწმუნდით, რომ არ გაქვთ მეზოროლერის გამოყენებისთვის წინააღმდეგჩვენებები;

2. დაიბანეთ სამუშაო არეალი, რომელის დამუშავებასაც გეგმავთ (სახე ან თავი). 

3. უშუალოდ გამოყენების წინ გაასუფთავეთ მეზოროლერი, დაამუშავეთ ქლორჰექსიდინით ან სამედიცინო სპირტით - 30 წუთის განმავლობაში გააჩერეთ ხსნარში;

4. გაატარეთ მეზოროლერი მასაჟის ხაზებზე 5-10-ჯერ ყველა მიმართულებით - ვერტიკალურად, ჰორიზონტალურად, ირიბად (ორი მიმართლებით). მთლიანი პროცედურა გრძელდება 5-7 წუთი;

5. როლერი უნდა მოძრაობდეს მსუბუქად, ზეწოლის გარეშე;

6. პროცედურის შემდეგ სახეზე დაიტანეთ სასურველი შრატი ან სამკურნალო საშუალება; 

7. გარეცხეთ მეზოროლერი გამდინარე წყალში, გააშრეთ ჰაერზე, დაამუშავეთ სპირტით და შეინახეთ თავის ყუთში.

მეზოროლერის გამოყენების წინააღმდეგჩვენებები:

• რესპირატორული ინფექციები (ნებისმიერი გრიპის ვირუსისთვის დამახასიათებელი სიმპტომები - სისუსტე, ტემპერატურა, ხველა, გამონადენი ცხვირიდან);
• ჰერპესის ვირუსის გამწვავების ფაზა;
• ეპილეფსია;
• ტკივილის დაბალი ზღვარი;
• კანის დაავადებები - ნებისმიერი დერმატიტი, ფსორიაზი;
• კანის ტრავმები - ნაფხაჭნი, ჭრილობა, გამონაყარი, აქტიური აკნე;
• კუპეროზი - მხოლოდ კოსმეტოლოგთან კონსულტაციით;
• ანტიკოაგულანტების მიღება, სისხლის შედედების უნარის დარღვევა;
• მიდრეკილება კელოიდური ნაწიბურების წარმოქმნისკენ;
• სომატური დაავადებები - არაკომპენსირებულ სტადიაში;
• ონკოლგიური დაავადებები ანამნეზში;
• ორსულობა, ლაქტაცია.

რეკომენდაციები მეზოროლერის გამოყენებისას:

• დაუშვებელია მეზოროლერის გაზიარება ოჯახის წევრთანაც კი. ერთ მეზოროლერს იყენებს მხოლოდ ერთი ადამიანი! 
• მეზოროლერის ნემსები დროთა განმავლობაში ბლაგვდება. ერთი როლერი ყოფნის 6-10 პროცედურას;
• მეზოროლერის გამოყენებისას მოერიდეთ მკვეთრ და ინტენსიურ მოძრაობებს - ზედმეტმა ტრავმამ შეიძლება გამოიწვიოს ჭრილობა ან დატოვოს ნაწიბური;
• პროცედურა ტარდება 7-10 დღეში ერთხელ;
• არ ჩაიტაროთ პროცედურა დილით, თუ გეგმავთ სახლიდან გასვლას;
• პროცედურის შემდეგ კანი შეწითლებულია და მგრძნობიარე. სასურველია პროცედურის ჩატარება საღამოს, დაძინებამდე 1-2 საათით ადრე;
• პროცედურა სკალპზე ტარდება ბანაობის შემდეგ. სასურველია თავი დაიბანოთ 36-37 გრ. ტემპერატურის წყლით;
• მეზოროლერის დავარდნის შემთხვევაში შესაძლოა დაზიანდეს მისი მიკრონემსები, რაც გამოიწვევს კანის ტრავმირებას, ამიტომ მეზოროლერი აუცილებლად უნდა შეიცვალოს;
• მოარიდეთ ხალებს;
• პროცედურის შემდგომ აკრძალულია ცხელი აბანოს, საუნის, სოლარიუმის გამოყენება.